離家出走

自有手電以來，一直是某大台用家。
一直相安無事，直到我發現，loyalty不單換不到更便宜著數的服務，就算因為用量高月費俾得多，成為貴賓級用戶，還是沒有著數。到我決定要轉台，由零開始，忘記所有甚麼預繳以及看不明白的收費，供應商只是打電話來告訴我如果再簽約會得到特價減$20的優惠。

說實在的，大拿拿四五百蚊的費用，換來$20有條件特價，我實在無法說服自己留下。

再加上，轉台意味著一切由頭黎過，忘記所有無啦啦加落黎的甚麼足球消息套餐，忘記那堆我根本沒用過的雙鈴聲月費，忘記那個從不使用的3G plan，我只想每個月實牙實齒的，$80蚊就$80。

但我當然知道，每個台都用最取巧的說法去推銷，$80月費計埋計埋其實又要百幾蚊埋單。
為什麼這些無形的購物永遠不可以話一就一既呢。

根本未經歷過轉台的我，知道今天就是轉台大日子。早上，電話打不通，直到看到顯示著unregistered SIM，我方醒起我根本沒拿新台的SIM card!!低B如我，以為自動轉台的意思是真的自動搞掂!!於是午飯時間又要去搞一餐。

一張SIM card只可儲200個電話，要更大容量的話，不行，除非我用3G plan.
又係咁!!

點解係佢？因為禮禮，大學老死謝婷，Heison等等重量級sms對家都係佢架囉。

轉台咁煩，聽一堆唔明既plan，計一條永遠唔通既數，實在是身不由己。